ek roz ham se kahane lagii ek gul_badan
ainak se baa.Ndh rakhii hai kyo.n aap ne rasan
miltaa hai kyaa isii se ye andaaz-e-fikr-o-fan
ham ne kahaa ki aisaa nahii.n hai janaab-e-man
baiThe jahaa.N hasiin ho.n ek bazm-e-aam me.n
rakhate hai.n ham nigaah koapanii lagaam me.n
@@@@@@@@@@@@@@@@@@@@@@@@@@@@@@@@@@@@@@@@
bolaa dukaan_daar ke kyaa chaahiye tumhe.n
jo bhii kahoge merii dukaan par vo paa_oge
mai.n ne kahaa ke kutte ke khaane kaa 'cake' hai
bolaa yahii.n pe khaa_oge yaa.N leke jaaoge?
@@@@@@@@@@@@@@@@@@@@@@@@@@@@@@@@@@@@@@@@
ek shaam kisii bazm me.n juute jo kho gaye
ham ne kahaa bataa_iiye ghar kaise jaaye.nge
kahane lage ke sher sunaate raho yuu.N hii
ginate nahii.n banenge abhii itane aaye.nge
@@@@@@@@@@@@@@@@@@@@@@@@@@@@@@@@@@@@@@@@
No comments:
Post a Comment